Accueil

Actualités

E Pak géint den Honger: Verdeele vun den Iwwerliewenspäck

2020-07-17

Wéi déi éischt Leit op Madagaskar u Corona erkrankt sinn, hunn sech déi politesch Responsabel séier fir e Lockdown op der Insel entscheet. Op d'Nofro vun eiser Asbl Ufank Juni un eis Partnerschoulen, wéi mir si an dëser Zäit kéinten ënnerstëtzen, koum den Hëllefsruff no Grondnahrungsmëttel fir d'Famillen vun de Schüler an Enseignanten. Well vill Leit keen Akommes méi haten, huet et hinnen séier u Liewensmëttel gefeelt an d'Leit hunn Honger gelidden.

Eis Asbl huet a kuerzer Zäit d'Aktioun "E Pak géint den Honger" gestart. Parallel zum Spendenopruff un eis Memberen a via Facebook, hu mir mat eise Partner op der Insel, dem Club Soroptimist Antananarivo an de Responsabelen vun der Ecole Santa Lucia, d'Beschafe vun de Liewensmëttel bei engem Grousshändler an d'Verdeelen vun den Iwwerliewenspäck un d'Famillen organiséiert.

» Galerie
Lire la suite

AKTIOUN: E Pak géint den Honger

2020-06-25

Och op Madagaskar bereet sech de Coronavirus säit enger Zäit aus an d'Zuel vun den Infizéierten klëmmt vun Dag zu Dag. D'Schoule sinn - ausser fir d'Ofschlossklassen - zou. Wéinst dem "Lockdown" (Verbuet vu Mäert, ganz ageschränkten Aarbechtszäiten, Ausgangsspären...) hu vill Malgachen keen Akommes méi a leiden Honger, well et hinnen u Grondnahrungsmëttel feelt.

Eis Asbl hëlleft de Schoulkanner an den Enseignanten andeems si hier Famillen mat liewenswichtegen Nahrungsmëttel versuergt.

D'Detailer zu eiser Aktioun "E Pak géint den Honger" a wéi Dir eis ënnerstëtze kënnt, fannt Dir an der Newsletter am Unhang.

Aktioun_E_PAK_GEINT_DEN_HONGER_Juni_2020.pdf (20.21 MiB)

Première Précédente Suivante Dernière